کابل (پژواک، ۵ وږی ۱۴۰۲): د افغانستان د ترانسپورټ او هوایي چلند وزارت د سالنګونو په ګډون د هېواد په ۱۷ ولایتونو کې د سختو بارانونو، تالندې، برېښنا، ناڅاپي سېلابونو او چټکو بادونو د احتمال خبر ورکوي.
د یاد وزارت له لوري په خپره شوې خبرپاڼه کې لیکل شوي چې نن (یکشنبه) او سبا (دوشنبه) د سالنګونو په ګډون د هېواد په ۱۷ ولایتونو کې د تېز باران، تالندې، برېښنا، ناڅاپي سېلابونو او چټکو بادونو د احتمال وړاندوینه شوې ده.
خبرپاڼه زیاتوي، د سخت ورښت، تالندې، برېښنا، ناڅاپي سېلابونو او چټکو بادونو احتمال بدخشان، تخار، بغلان، سمنګان، سرپل، بلخ، بامیان، پنجشېر، پروان، نورستان، کونړ، لغمان، ننګرهار، لوګر، پکتیا، خوست او پکتیکا ولایتونو کې دی.
خبرپاڼې زیاته کړې، په بېلابېلو برخو کې د باران کچه له ۱۰ تر ۳۵ ملي مترو وړاندوینه شوې ده.
د خبرپاڼې د معلوماتو له مخې، د هېواد په مرکزي، شمال لوېدیځ او سوېل لوېدیځ ولایتونو کې د تېزو بادونو احتمال شته چې سرعت یې په یوه ساعت کې له ۲۰ تر ۸۰ کیلومتر پورې ښودل شوی دی.
Views: 2257
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن