پکتیا او ننګرهار کې له نږدې ۳۷۰۰ کورنیو سره مرستې وشوې

ګردیز- جلال‌اباد (پژواک، ۳ تله ۱۴۰۲): سیمه‌ییز مسوولین وایي، پکتیکا ولایت کې د افغاني سره میاشتې له لوري له زرو کورنیو سره نغدي او په ننګرهار ولایت کې له څه باندې ۲۶۰۰ کورنیو سره د خوارکي توکو مرستې وشوې.

د ننګرهار د کليو بيارغونې او پراختيا رييس مولوي قسمت‌الله مبارز پژواک خبري اژانس ته وویل چې نن‎ یې په مومندره، روداتو، کوټ، پچيراګام او سپين‌غر ولسواليو کې له دوه زره او ۶۹۶ اړمنو کورنیو سره د خوراکي توکو مرسته کړې ده.

هغه وایي چې دغه مرستې یې د خوړو نړۍوال سازمان او د نړۍوال بانک په مالي مرسته وېشلې دي.

د یو بل خبر له مخې نن پکتیا ولایت کې هم د افغاني سرې میاشتې له لورې له زرو اړمنو کورنیو سره نغدي مرسته وشوه.

login or register a new account.