ګردیز- جلالاباد (پژواک، ۳ تله ۱۴۰۲): سیمهییز مسوولین وایي، پکتیکا ولایت کې د افغاني سره میاشتې له لوري له زرو کورنیو سره نغدي او په ننګرهار ولایت کې له څه باندې ۲۶۰۰ کورنیو سره د خوارکي توکو مرستې وشوې.
د ننګرهار د کليو بيارغونې او پراختيا رييس مولوي قسمتالله مبارز پژواک خبري اژانس ته وویل چې نن یې په مومندره، روداتو، کوټ، پچيراګام او سپينغر ولسواليو کې له دوه زره او ۶۹۶ اړمنو کورنیو سره د خوراکي توکو مرسته کړې ده.
هغه وایي چې دغه مرستې یې د خوړو نړۍوال سازمان او د نړۍوال بانک په مالي مرسته وېشلې دي.
د یو بل خبر له مخې نن پکتیا ولایت کې هم د افغاني سرې میاشتې له لورې له زرو اړمنو کورنیو سره نغدي مرسته وشوه.
د یاد ولایت د سره میاشتې رییس مولوي ابواحمد وایي، دغه مرستې په ګردیز ښار او ولسوالیو کې شوې چې هرې کورنۍ ته یې ۸۵۰۰ افغانۍ ورکړې دي.
د هغه د معلوماتو له مخې، دغه مرسته يې په یاد ولايت کې له بې ځايهشوو، بېسرپناه او په ټوله کې له بېوزلو کسانو سره کړې چې د يوې شفافې پروسې له مخې انتخاب شوي وو.
غړيYou need to subscribe to view the full article. Please login or register a new account.
