کابل (پژواک، ۴ لړم ۱۴۰۲): د المپیک ملي کمېټه وایي چې د وزن پورتهکولو افغان ورزشکار فهیم رحیمي د چین په کوربهتوب په پارا المپیک اسیایي سیالیو کې خپلو دوو هندي او عربستاني سیالانو ته ماتې ورکړې.
د المپیک ملي کمېټې او ورزش عمومي ریاست پر خپله اېکسپاڼه لیکلي، د پارا المپیک په اسیایي سیالیو کې تېره ورځ د پاورلېفټنګ افغان ورزشکار د چین په هانګزو ښار کې سیالۍ ترسره کړې.
سرچینې لیکلي، په دغو سیالیو کې افغان ورزشکار فهیم رحیمي تر ۱۴۶ کیلو پورې وزن پورته کولو سره د هندوستان او سعودي عربستان سیالانو ته ماتې ورکړې او د یوولس هېوادونو ترمنځ یې نهم مقام تر لاسه کړ.
دغه سیالۍ د چين په هانګزو ښار کې راونې دي چې د روانې لړم میاشتې په لومړۍ نېټه د افغانستان پارا تکواندو ملي لوبډلې غړي ابراهیم دانش هم خپل عراقي سیال ته ماتې ورکړې وه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن