کابل (پژواک، ۱۴ مرغومی ۱۴۰۲): د ټرانسپورت او هوایي چلند وزارت وایي، د کابل ښار په ترمینلونو کې د تخنیکي چک پروسې پر مهال د ۳۳ مسافروړونکو بسونو فعالیت د تخنیکي ستونزو د حل په موخه وځنډول شو.
د ټرانسپورت او هوایي چلند وزارت یادې څرګندونې پر خپله اېکسپاڼه کړې دي.
سرچینې دغه راز لیکلي چې د یادې پروسې پر مهال د ۳۲۱ موټرو تخنيکي وضعیت کنټرول شو چې له یو شمېر بسونو اضافي او غیرمعیاري چوکۍ لرې کړل شوې او همدا ډول د ۶۸ موټرو تخنیکي اصلاح وشوه.
د روانې مرغومي میاشتې په شپږمه هم یاد وزارت ویلي وو چې د کابل په ترمینلونو کې د یادې پروسې پر مهال د ۶۸ موټرو تخنیکي وضعیت څارل شوی چې له ډلې یې له ځینو موټرو غیرمعیاري څوکۍ لرې شوې او د ۱۳ نورو موټرو «تخنیکي اصلاح» شوې ده.
Views: 93
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن