کابل (پژواک، ۱۰ وری ۱۴۰۳): ستره محکمه وایي، د کابل ښار لومړۍ محکمې د څلورم زون د جزا ديوان په حکم دوه کسانو ته تعزیري سزا ورکړل شوې ده.
سترې محمکې پرون پر خپله اېکسپاڼه لیکلي: «د کابل ښار د ابتدائيه محکمې څلورم زون د جزا دېوان د الف جز له خوا دوو کسانو ته چې پر زنا متهم وو، ۳۵-۳۵ دُرې تعزیري سزا ورکړل شوه.»
سرچینې زیاته کړې، ياد کسان د کابل ښار د لومړنې محکمې څلورم زون د جزا دېوان الف جز له خوا پر یوه کال تنفيذي بند او ۳۵- ۳۵ دُرو تعزيري سزا محکوم شوي وو چې ياده پرېکړه د سترې محکمې د عالي مقام له تایيد وروسته تطبيق شوه.
د یادونې ده، تېر ۱۴۰۲ کال د مرغومي په ۲۱مه نېټه هم په کابل کې څلورو کسانو ته د نامشروع اړيکو په جرم ۳۵ـ ۳۵ دُرې تعزيري سزا ورکړل شوې وه
Views: 81
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن