لښکرګاه (پژواک، ۲۰ چنګاښ ۱۴۰۳): د هلمند امنیه قومانداني وایي، په دغه ولایت کې یې د دوو مهال عملیاتو پر مهال درې انسانتښتوونکي او ۱۳.۵ کیلوګرامه هیروین نیولي دي.
د هلمند امنیه قوماندانۍ ویاند ملا عزتالله حقاني پژواک خبري اژانس ته وویل چې نن یې د لښکرګاه ښار په دوېیمه امنیتي حوزه کې درې انسانتښتوونکي نیولي دي.
هغه وویل چې یادو کسانو غوښتل یو تن وتښتوي او بیا یې د پیسو په مقابل کې خوشې کړي خو د امنیتي ځواکونو له لورې د دوه میله تومانچو سره ونیول شول.
حقاني دغه راز وویل چې په لښکرګاه ښار کې یې ۱۳.۵ کیلوګرامه هیروین نیولي دي.
د ده د معلوماتو له مخې، یاد نشهیي توکي له لښرګاه څخه کابل ته او بیا له کابل څخه بهر هېوادونو ته قاچاق کېدل.
هغه په دې اړه نور جزییات نه دي ورکړي.
Views: 17
GET IN TOUCH
NEWSLETTER
SUGGEST A STORY
PAJHWOK MOBILE APP