مهترلام (پژواک، ۲۹ زمری ۱۴۰۳): د لغمان د کډوالو چارو ریاست مسوولین وایي، د دغه ولایت په مرکز مهترلام کې یې ۳۰ نابینا مېرمنو ته د زدهکړو مرکز پرانیستی چې د زدهکړو ترڅنګ به دوه وخته خواړه او میاشتنۍ پیسې هم ورکول کېږي.
د لغمان د کډوالو او راستنېدونکو چارو رییس مولوي غلامالرحمن بلال پژواک خبري اژانس ته وویل، تېره ورځ یې د دغه ولایت د مرکز مهترلام ښار په سلطانغازي بابا ښارګوټي کې د ملګرو ملتونو د کډوالو عالي کمېشنرۍ (UNHCR) په مالي ملاتړ ۳۰ نابینا مېرمنو ته د زدهکړو مرکز پرانیستی دی.
د نوموړي په وینا، په دغه مرکز کې به یاد شمېر مېرمنو ته د قرانکریم او برېل لیک (خط) زدهکړې ورکول کېږي او ترڅنګ به یې د غرمې ډوډۍ او په میاشتني ډول ۹۸۰۰ افغانۍ هم ورکول کېږي.
د هغه په خبره، دغه ښوونیز پروګرام به څلور میاشتې دوام وکړي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن