کابل (پژواک، ۳ وږی ۱۴۰۳): د افغانستان د ترانسپورټ او هوایي چلند وزارت د هېواد په ۱۱ ولایتونو کې د سختو ورښتونو، تالندې او برېښنا او ناڅاپي سېلابونو راتلو د احتمال خبر ورکوي.
یاد وزارت نن (شنبه، د وږي ۳مه) پر خپله اېکسپاڼه لیکلي چې سبا په بدخشان، نورستان، کونړ، ننګرهار، لغمان، پنجشیر، کابل، لوګر، پکتیا، خوست او پکتیکا ولایتونو کې د باران، تالندې او برېښنا، ناڅاپي سېلابونو او چټکو بادونو احتمال شته دی.
سرچینې لیکلي، په بېلابېلو برخو کې د باران کچه له ۱۵ تر ۳۰ ملي مترو پورې اټکل شوې ده.
سرچینې دغهراز لیکلي، د سالنګونو په ګډون په مرکزي، ختیځو، سوېلي او لوېدیځو ولایتونو کې د چټکو بادونو احتمال شته چې په بېلابېلو سیمو کې یې سرعت په ساعت کې ۵۰ تر ۸۰ کیلومتره اټکل شوی دی.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن