کابل (پژواک، ۱۸ تله ۱۴۰۳): د افغانستان د والیبال فدراسیون وایي چې د هېواد د والیبال ملي لوبډله د مرکزي اسیا زون سیالیو کې ګډون کوي.
د افغانستان د والیبال فدراسیون اداري مرستیال محمدعارف پیمان نن پژواک خبري اژانس ته وویل، د هېواد د والیبال ملي لوبډله د مرکزي اسیا زون سیالیو کې چې د ازبکستان په کوربهتوب ترسره کېږي، ګډون کوي.
هغه زیاته کړه چې په دغو سیالیو کې د افغانستان په ګډون د تاجکستان، ترکمنستان، ازبکستان، مالدیف، نیپال او سریلانکا لوبډلې برخه لري.
نوموړی وایي چې له یوې میاشتې راهیسې د والیبال ملي لوبډله په کابل کې په تمرینونو بوخته ده، څو یادو لوبو ته ښه چمتووالی ونیسي.
د افغانستان د والیبال فدراسیون د معلوماتو له مخې، دغه سیالۍ به د روانې اکتوبر میاشتې په ۱۸مه پیل او د همدې میاشتې تر ۲۵مې پورې به دوام ولري.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن