پر غزه د اسرائیل تازه بریدونو کې ۴۹ کسانو ژوند له لاسه ورکړی

کابل (پژواک، ۲۱ تله ۱۴۰۳): د غزې روغتيايي چارواکي وایي، په تېرو ۲۴ ساعتونو کې پر غزه د اسرائيل بریدونو کې لږ تر لږ ۴۹ کسانو خپل ژوند له لاسه ورکړی او ۲۱۹ نور ټپیان شوي دي.

د فلسطین خبري اژانس وفا د راپور له مخې، د فلسطين روغتیایي چارواکو نن ویلی چې اسرائيل په غزه کې بريدونه کړي چې له امله یې ۴۹ کسانو ژوند له لاسه ورکړی او ۲۱۹ نور ټپیان شوي دي.

سرچینه زیاتوي، اسرائيلي ځواکونو غزه کې پنځه «وحشیانه او قتل‌عام» بريدونه کړي دي.

د راپورونو له مخې، تر دې مهاله په غزه کې د اسرائیل په بریدونو کې څه باندې ۴۲۱۷۵ فلسطینیانو ژوند له لاسه ورکړی او له ۹۸۳۳۶ ډېر نور ټپيان شوي دي.عرفانیار