کابل (پژواک، ۲۲ تله ۱۴۰۳): د اوبو او انرژۍ وزارت وایي، د قرغیزستان او ازبکستان هېوادونو دوو شرکتونو په افغانستان کې له نوې ټکنالوجۍ په ګټې اخیستنې د برېښنا د تولید پروژ کې پانګونې ته لېوالتیا ښودلې ده.
د اوبو او انرژۍ وزارت خبرپاڼه کې راغلي چې د دغه وزارت سرپرست ملا عبداللطیف منصور د قرغیزستان د صدف شرکت له مسوول ابوبکر او د ازبکستان د اېمجيسيسي شرکت له مسوول مراد سره وکتل او د انرژي په پروژو کې د پانګونې په اړه یې خبرې ورسره وکړې.
سرچينې لیکلي، د یادو شرکتونو مسوولینو ویلي چې غواړي په افغانستان کې له نوي ټکنالوجي په ګټې اخیستنې د انرژۍ د تولید په سولري، بادي او ډبرو سکرو پروژو کې پانګونه وکړي.
خبرپاڼه کې په دې اړه نور جزئیات نه دي ورکړل شوي.
یاد وزارت لیکلي چې د اوبو او انرژي سرپرست وزیر د هغوی د لېوالتیا هرکلی وکړ، د پانګونې لپاره یې د زمینې برابرولو په موخه هغوی ته ډاډ ورکړ او د اړینو همغږیو رامنځته کولو او د عملي چارو د پیل پر چټکتیا یې ټینګار وکړ.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن