کابل (پژواک، ۱۶ اسد ۱۴۰۵): ویکتور واسیلیف، نمایندۀ دایمی روسیه در سازمان پیمان امنیت جمعی (CSTO) گفتهاست که وضعیت افغانستان همچنان بهگونهٔ جدی در دستور کار این سازمان قرار دارد و کشورهای عضو بهطور منظم تحولات این کشور را بررسی میکنند.
خبرگزاری دولتی روسیه (تاس) به نقل از واسیلیف گزارش دادهاست که نگرانی عمدۀ این سازمان بیشتر مربوط به وضعیت مرز میان تاجیکستان و افغانستان است.
او تأکید کردهاست که اجرای برنامۀ مشترک برای تقویت مرز تاجیکستان و افغانستان آغاز شده و کشورهای عضو در حال بررسی نیازهای مرزی تاجیکستان و چگونگی تأمین تجهیزات و امکانات لازم هستند.
سازمان پیمان امنیت جمعی (CSTO) یک ائتلاف امنیتی به رهبری روسیه است که روسیه، بلاروس، قزاقستان، قرغیزستان و تاجیکستان اعضای آن را تشکیل میدهند.
