کابل (پژواک، ۲۹ اسد ۱۴۰۵): ادارهٔ عمومی امتحانات می‌گوید، اشتراک‌کنندگان امتحان کانکور سال ۱۴۰۵ که ۱۵۰ نمره یا بیشتر کسب کرده‌اند، می‌توانند در پوهنتون‌های امارتی، انستیتوت‌های نیمه‌عالی و پوهنځی‌های شبانه ثبت‌نام کنند و افرادی که از ۱۳۰ تا ۱۵۰ نمره گرفته‌اند نیز می‌توانند در پوهنځی‌های شبانه و انستیتوت‌های نیمه‌عالی ثبت‌نام نمایند.
ناصرخان شیرزی سخنگوی ادارهٔ عمومی امتحانات می‌گوید، اشتراک‌کنندگان امتحان کانکور عمومی سال ۱۴۰۵ که ۱۵۰ نمره یا بیشتر کسب کرده‌اند، می‌توانند در پوهنتون‌های امارتی، انستیتوت‌های نیمه‌عالی و پوهنځی‌های شبانه ثبت‌نام کنند.
به گفتۀ او، داوطلبانی که در کانکور عمومی از ۱۳۰ تا ۱۵۰ نمره گرفته‌اند، می‌توانند در پوهنځی‌های شبانه و انستیتوت‌های نیمه‌عالی ثبت‌نام کنند.
وی افزود، اشتراک‌کنندگانی که برای پوهنځی‌های شبانه امتحان داده و بیش از ۱۳۰ نمره کسب کرده‌اند، در ظرفیت سوم تنها می‌توانند رشته‌های مربوط به پوهنځی‌های شبانه را انتخاب کنند.
