لومړى تعقيب - کابل (پژواک، ٥ کب ٩٦): د کورنيو چارو وزارت وايي، د کابل ښار په شش درک سيمه کې ځانمرګي بريد کې درې تنه وژل شوي او شپږ نور ټپيان دي.
دغه بريد نن سهار په نږدې اته نيمو بجو د ملي امنيت رياست يوې څانګې ته څېرمه شوى دى.
د کورنيو چارو وزارت وياند نجيب دانش وايي چې له ټپيانو څخه د دوو تنو روغتيايي حالت د اندېښنې وړ دى.
هغه زياته کړه، لومړنۍ څېړنې ښيي چې دا بريد د حقاني ډلې اړوندو کسانو له لوري شوى دى.
ده وويل چې په دې اړه به نور جزييات وروسته خپاره شي.
د بريد مسووليت تر اوسه چا نه دى منلى.
login or register a new account.
