کابل (پژواک، ٢٨زمرى٩٧ ) : د کابل ښار د ١٦ ناحيې په مربوطاتو کې دوه راکټ لګیدلي، خو مرګ ژوبله نه لري.
د کابل د امنيې قوماندانۍ وياند حشمت الله ستانکزي د زمري په ٢٨مه پژواک خبري اژانس ته وويل چې دغه دوه راکټ د کابل ښار د پلچرخي له سيمې څخه توغول شوي چې يو يې په مرنجان تپه او بل يې په قلعه زمانخان کې لګېدلى دى.
ده وويل چې په دې پېښه کې چاته مالي او ځاني زيان نه دى اوښتى.
د ستانکزي په وينا پوليس سيمې ته ورغلي او په دې اړه يې پلټنې پيل کړي دي.
داسې مهال په کابل ښار باندې راکټي بريدونه کيږي چې نن د خپلواکۍ د بيرته اخيستو ٩٩ يمه کليزه د ملي دفاع په وزارت کې د ولسمشر محمد اشرف غني او نورو چارواکيو لخوا ولمانځل شوه.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن