قلعه نو (پژواک، ۱۶ سنبله ۹۷): د بادغیس امنیتي چارواکي وايي چې د دغه ولایت په مرکز کې د دوو بېځايه شوو کورنيو ترمنځ د اوبو د وېش پر سر تر لفظي شخړې وروسته نښته کې يوه مېرمن وژل شوې او دوه تنه نور ټپيان شوي دي.
د بادغيس د امنيې قوماندانۍ وياند نقيب الله اميني پژواک خبري اژانس ته وويل چې دغه پېښه نن د دغه ولايت د مرکز اړوند د باغ لر په سيمه کې رامنځته شوې ده.
هغه زياتوي، د يادو کورنيو د اړتيا وړ اوبه د “ورلډ وېژن” د دفتر له لوري وېشل کېدې.
سرچينه زیاتوي، د يادو دوو کورنيو د غړو ترمنځ تر لفظي شخړې وروسته يوه مېرمن وژل شوې او دوه کسان نور ټپيان شوي دي.
دی زياتوي، پوليسو د پېښې په تړاو پنځه کسان نيولي او په اړه يې څېړنې روانې دي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن