کابل (پژواک، ۲۷ وری ۹۹) : د ولسمشر د حکم سره سم د ننګرهار ولایت د شینوارو د دوو قومونو ترمنځ د ځمکې پر سر د رامنځته شوې شخړې د هواری لپاره لوړ پوړی پلاوی جلال اباد ته رسیدلی دی.
څو ورځې مخکې د ننګرهار ولایت د شینوارو د دوربابا او نازیانو ولسوالیو د اوسیدونکو ترمنځ د ځمکې پر سر د یوې شخړې له امله شاوخوا ۳۰ کسانو ته مرګ ژوبله اوښتې ده.
د ننګرهار د والي ویاند عطاء الله خوږیاڼی د وري په ۲۷مه، پژواک اژانس ته وویل چې د ولسمشر د ستر سلاکار ضیاء الحق امرخیل په مشرۍ یو پلاوی نن جلال اباد ته رسیدلی دی اود شخړې د هواري لپاره یې خپلې هڅې پیل کړې دي.
هغه زیاته کړه چې دوی به د سیمې له مشرانو او له ځایی چارواکو سره ګوري او خپلې پایلې به ولسمشرۍ ماڼۍ سره شریکوي.
د ولسمشر د حکم له مخې د ستر سلاکار ضیاء الحق امر خیل په مشرۍ دغه پلاوي کې د ملي امنیت لوی ریاست د ولایتي چارو مرستیال عبادالله عباد، د سیمه ییزو ارګانونو مرستیال ایوب سالنګي، د کورنیو چارو وزارت دتامیناتو معین ریاض درمل او د ملي امنیت شورا استازی داکتر صبغت الله شامل دي.
login or register a new account.
