کلات (پژواک، د وږي لومړۍ نېټه ٩٩): ځايي چارواکي وايي چې په زابل ولايت کې د يو لړ عملياتو پر مهال ٥٦ وسله وال طالبان وژل شوي دي.
د زابل د امنیت امر سمونمل فدا محمد پیرزاده د وږي په لومړۍ نېټه پژواک اژانس ته وویل چې افغان ځواکونو تېره شپه د مرکز کلات لوېدیځ ته په جلدک سیمه کې د وسله والو طالبانو هغه ګروپ له منځه وړی چې د کابل- کندهار پر لاره یې بریدونه کول.
هغه زياته کړې چې په دغو عملياتو کې د څلورو قوماندانانو په ګډون ۵۶ وسله وال وژل شوي، دوه موټر، لسګونه موټرسایکل، لسګونه وسلې او د مهماتو زېرمنه چې ۸۰زره کیلوګرامه چاودېدونکي توکي په کې وو، له منځه وړل شوي دي.
د ملي دفاع وزارت هم دغه عمليات تاييد کړي، خو د وژل شوو طالبانو شمېر يې ٣٠ تنه ښودلی او اته نور ټپيان شوي دي.
وسله والو طالبانو تر اوسه په دې اړه څه نه دي ويلي.
login or register a new account.
