کابل (پژواک، ٩ سلواغه ٩٩): ولسمشر محمد اشرف غني له هېواده د ماشومانو ملاتړ صندوق یا یونيسف د پوليو څانګې د مشر د وتلو حکم کړى دى.
د ولسمشر مرستيال وياند دواخان مینه پال پر خپلې ټويټرپاڼه ليکلي چې دغه کس محمد محمدي نومېږي او په ٢٤ ساعتونو کې ورته له افغانستانه د وتلو امر شوى دى.
هغه ليکلي: «محمد محمدي چې د یونیسیف پولیو برخې مسوول و، په چارو کې د نه شفافیت او د افغانستان ولسمشر ته د بې اعتنایۍ په دلیل د ولسمشر د حکم پر اساس په څلور ويشتو ساعتونو کې له افغانستانه اخراج شو.»
ځينو سرچينو ويلي چې د یونیسف دغه مسوول مخکې له دې له ولسمشر غني سره د کوویډ- ۱۹ ناروغۍ په تړاو جنجالي بحث درلود.
د راپورونو له مخې، ولسمشر غني له محمدي غوښتي وو چې د کرونا ناروغۍ په تړاو د لګول شوو پيسو په اړه معلومات ورکړي، خو هغه ډډه کړې وه.
Views: 881
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن