ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ګوټرېش: نړۍواله ټولنه دې د افغانستان خلک نه هېروي

ګوټرېش: نړۍواله ټولنه دې د افغانستان خلک نه هېروي

author avatar
16 Aug 2023 - 12:01
ګوټرېش: نړۍواله ټولنه دې د افغانستان خلک نه هېروي
author avatar
16 Aug 2023 - 12:01

کابل (پژواک، ۲۵ زمری ۱۴۰۲): د اسلامي امارت بیا واکمنېدو دویم کال له پوره کېدو سره هم‌مهاله د ملګرو ملتونو سرمنشي انټونیو ګوټریش ویلي، افغانستان کې وضعیت د اندېښنې وړ دی او نړۍواله ټولنه باید د دغه هېواد خلک هېر نه کړي.

هغه تېره شپه ناوخته په یوه ټویټ کې د ښځو او نجونو پر حقونو لګېدلي بندیزونه د ژورې اندېښنې وړ بللي دي.

ګوټریش زیاته کړې، نړۍواله ټولنه دې د افغانستان خلک نه هېروي.

د ملګرو ملتونو سرمنشي دا اندېښنه په داسې حال کې څرګندوي چې پرون (سه‌شنبه، د زمري ۲۴مه) د اسلامي امارت د بیا واکمنۍ په دوه کلنۍ کېدو سره خلک په تمه وو چې د نجونو پر مخ به د پوهنتونونو او ښوونځیو دروازې پرانیزي خو داسې ونه شول.

مخکې له دې د ملګرو ملتونو کارپوهانو هم ویلي وو چې په افغانستان کې د جنسیتي تبعیض (gender apartheid) په اړه بحث اړین دی.

خو د اسلامي امارت چارواکو تل ټینګار کړی چې د اسلامي شرعیت په چوکاټ کې د ښځو او نجونو د حقونو تامین ته ژمن دي.

Views: 30

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.