کابل (پژواک، ۲۰ غبرګولی ۱۴۰۳): د بېپولې خبریالانو سازمان (RSF) اعلان کړی چې د دغه سازمان رییس کریسټف دلور د ۵۳ کلونو په عمر ومړ.
د یاد سازمان خبرپاڼه کې راغلي چې دلور د سرطان پر ناروغي اخته و او پرون ( د غبرګولي ۱۹مه) مړ شوی دی.
د بېپولې خبریالانو سازمان خبرپاڼې له مخې، دلور د ۱۲ کلونو لپاره د یاد سازمان مشري وکړه او په دې موده کې یې د خبریالانو له حقونو د دفاع برخه کې د پام وړ فعالیتونه ترسره کړي دي.
کریسټف دلور مخکې له دې په ۲۰۱۸ کال کې د «د اطلاعاتو او ډیموکراسۍ ټولنې» د رییس په توګه هم منصوب شوی و.
د ویلو ده، د بېپولې خبریالانو سازمان په ۱۹۸۵ کال کې په فرانسه کې جوړ شو.
Views: 15
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن