عبیدالله بیدار

د لغمان امنیه قومانداني وایي، تېر ماښام د کابل – جلال‌اباد پر لویه لار د لغمان ولایت د قرغیو ولسوالۍ په مربوطاتو کې د ترافیکي پېښې له امله یوه ماشومه مړه شوې او اووه کسان نور ټپيان شوي دي.

د لغمان د الینګار ولسوالۍ اړوند د کلمان درې قومي مشرانو پرېکړه کړې چې له دې وروسته هیڅ څوک نشي کولی پر نجونو له ۱۵ زره افغانیو لوړ ولور واخلي.

د لغمان د الینګار ولسوالۍ اړوند د ساو درې اوسېدونکي شکایت کوي چې مخابراتي خدماتو ته لاسرسی نه لري او دې برخه کې له ستونزو سره مخ دي.

د فراه حکومتي مسوولین وايي چې د دغه ولایت په بکواه ولسوالۍ کې د شپږنیم میلیون افغانیو په لګښت د اوبو یو چک‌ډیم جوړ او ګټې اخیستنې ته وسپارل شو.

د لغمان د الینګار ولسوالۍ اړوند د ساو درې یو شمېر اوسېدونکي شکایت کوي چې په سیمه کې یې روغتیایي خدمتونو ته د نه لاسرسي له امله له ستونزو سره مخ دي.

د لغمان امنیه قومانداني وایي، د دغه ولایت په قرغیو ولسواليو کې د ترافیکي پېښې له امله اووه کسان ټپيان شوي دي.

د لغمان د بادپښ ولسوالۍ اوسېدونکي شکایت کوي چې د ولسوالي په کچه هیڅ بازار نه‌لري او اړ دي چې د خپلو لومړنیو اړتیا وړ توکو پسې مهترلام ښار ته ساعتونه مزل وکړي.

د لغمان ځايي مسوولین وايي، تېره شپه د دغه ولایت دولت‌شاه ولسوالۍ کې د یوه کور د خونې چت لوېدو پېښه کې یو ماشوم مړ او درې نور ټپیان شوي دي.

د لغمان سیمه‌ییز مسوولین وایي، د دغه ولایت د الینګار والسوالي د کلمان درې په کنډلام سیمه کې یې د دوو کورنیو ترمنځ لس کلنه دښمني په دوستۍ بدله کړې ده.

د لغمان د بادپښ ولسوالۍ اوسېدونکي وايي، له مرکز مهترلام سره د دې ولسوالۍ نښلېدونکی سړک خراب دی چې له امله یې دوی له ګڼو ستونزو سره مخ دي.

د لغمان ځايي مسوولین وايي، د مهترلام ښار سلطان‌غازي بابا ښارګوټي کې د یوه کور د دېوال نړېدو له امله درې کسان مړه شوي او څلور نور ټيپان دي.

د لغمان د امنیې قومندانۍ مسوولین وایی، د دغه ولایت په مرکز او ولسوالیو کې یې د سوالګرو د راټولولو او تثبیت لړۍ پیل کړې ده.