ځواب: په هندي سينما يا فلم کې رول ترلاسه کول اسانه کار نه دى، ما د دې لپاره ډېرې هلې ځلې کړې، کورسونه مې ويلي، زده کړې مې کړې، په تياتر، ډرامو او سټيج ډرامو کې مې رولونه لوبولي دي او د دنګل فلم لپاره مې ٧٠ ځلې ازموينې ورکړې بيا يې انتخاب کړم.
پوښتنه: په يوه فلم کې د رول ترلاسه کولو لپاره څه په کار دي؟
ځواب: د يوه هندي فلم د رول لپاره هغوى د هندوستان په بېلابېلو ښارونو کې تر لسو زرو زيات لومړنۍ ازموينې اخلي. ما د دنګل فلم لپاره لومړۍ ازموينه د ٢٠١٥ کال په سپټمبر کې ورکړه، خو تر هغې وروسته يې بيا راڅخه د دغه رول يا نقش لپاره ٥٠ نورې ازموينې واخيستې.
ځواب: لومړى مې راسره خپلې مور ډېره مرسته وکړه او زما ملاتړ يې وکړ، هغې تل هڅه کړې چې زه خپلو هيلو ته ورسېږم او زه يې تل هڅولى يم چې يو ښه فلمي لوبغاړى شم.
پوښتنه: له هندي سينما څخه دې څه تجربه ترلاسه کړې؟
ځواب: زه د دنګل فلم چې عامر خان هم په کې مرکزي نقش لري، د ټېم غړى يم، دلته ډېر پياوړي کسان کار کوي، له دوى څخه ما ډېر شيان زده کړي او تجربې مې ترلاسه کړې دي.
ځواب: دلته ټول افغانستان ته په ښه نظر او د هند د نږدې ملګري په توګه ګوري. دوى وايي چې افغانستان ښکلى هېواد دى، ښه هوا او مېوه لري، سره له ډېرو جګړو يې خپل شناخت ساتلى دى، دوى له افغانستان سره ډېره مينه او ورته درناوى لري، دوى د افغانانو ښ
ه مېلمه پالنه کوي، دوى غواړي چې هر وخت افغانستان ته سفرونه وکړي او ښکلې سيمې او ښکلى کلتور له نږدې څخه وګوري، خو له نا امنيو اندېښنه لري.
پوښتنه: ستاسو د خوښې هندي فلمي لوبغاړى څوک دى؟
ځواب: شاه رخ خان، هغه ډېره وړتيا لري، له ماشومتوبه مې د هغه فلمونه کتل او خوښېږي مې، هغه له هندي سينما او فلمونو سره ډېره مينه لري او د زړه له کومي کار کوي، زه د نورو تر څنګ ده ته ډېر درناوى لرم، زما ارمان دى چې ورسره له نږدې کار وکړم.
.jpg)
.jpg)
