پکتیا کې د چاودنې له امله دوو ماشومانو ژوند له لاسه ورکړی

کابل (پژواک، ۱۵ غبرګولی ۱۴۰۵): پکتیا کې ځايي مسوولین وایي چې د دغه ولایت په روحاني بابا ولسوالۍ کې د ناچاودو توکو چاودنې له امله دوو ماشومانو ژوند له لاسه ورکړی دی.

د پکتیا له پېښو سره د مبارزې د چمتووالي ادارې رییس مولوي نثاراحمد نجات وایي چې دغه پېښه تېره ورځ د روحاني ‌بابا ولسوالۍ د ګاویانې سپینې تختې سیمه کې شوې ده.

سرچینه زیاتوي چې په دې پېښه کې دوه وروڼه چې د کوچيانو یوې کورنۍ غړي وو، ژوند له لاسه ورکړی دی.