د لوګر پوهنې رياست دوه مديران د فساد په تور نيول شوي

پل علم (پژواک، ٢٩ سلواغه ٩٩): د ملي امنيت ځواکونو د لوګر د پوهنې رياست مالي او تدارکاتو مديران د اداري فساد په تور نيولي دي.

د لوګر د پوهنې رياست يوې سرچينې د سلواغې په ٢٩مه پژواک خبري اژانس ته وويل چې د دغه رياست ماليي مدير فريد احمد صالحي او د تدارکاتو مدير رياض احمد د ملي امنيت له لوري نيول شوي دي.

هغه وايي: ((تر اوسه دقيق معلوم نه دى چې نور يې څه کړي خو تر کوم ځايه چې ماته معلوم دى، د رياست لپاره هر کيلو ګاز يې د بازار له نرخ څخه په ٣٠ افغانۍ لوړه بيه اخيستى دى.))

دغه راز د لوګر د پوهنې رياست وياند شاپور عرب هم د يادو کسانو نيول کېدل تاييد کړل خو ويې ويل چې تر اوسه کره معلومه نه ده چې دغه کسان ولې نيول شوي دي.

هغه وايي: ((مخکې له غرمې د ملي امنيت کسان راغلل دغه دواړه مديران يې ونيول په سرونو يې ورته توره خولې کش کړه، شعبې يې ورته تړلي دي او له ځانه سره يې بيولي دي.))

بل لورته د ملي امنيت رياست تر اوسه په دې اړه څه نه دي ويلي.

د يادونې ده چې تېرکال هم د لوګر د پوهنې رياست مالي مدير فريد احمد صالحي له نهو نورو کسانو سره د ملي امنيت له لوري نيول شوى و چې بيا تر يوه مياشت زندان تېرولو وروسته بېرته راخوشې شو او بېرته يې خپلې دندې ته ادامه ورکړه.

  . . .

You need to subscribe to view the full article. Please login or register a new account.