پلخمري (پژواک، د مرغومې لومړۍ نېټه ۱۴۰۰): د پژواک خبري اژانس د څېړنيز راپور له خپرېدو وروسته، پلخمري ښاروالۍ د لسګونه ميلیون افغانيو د انحصار کوونکو د نيولو هڅې پيل کړې دي.
پژواک خبري اژانس د ليندۍ په ۱۴مه يو څېړنيز راپور خپور کړ چې په کې ثابته شوې وه چې د بغلان ولايت د پلخمري ښاروالۍ د ملکيتونو ٢٦ اجاره دارانو په تېرو ١٨ کلونو ٨٨،٨ ميليونه افغانۍ حکومت ته نه دي سپارلې.
د دغه راپور له خپرېدو کابو شل ورځې وروسته د بغلان ولایت مرکز پلخمري ښاروالۍ مسوولین وايي چې د ښاروالۍ ملکیت د پورونو تر لاسه کولو په موخه يې امنیې قوماندانۍ ته د ۲۶ پوروړو لېست سپارلی دی
د پلخمري ښاروال حاجي حقمل وایي چې د پژواک اژانس راپور له خپرېدو وروسته یې د پوروړو د نیولو او ترې د پور پیسو ترلاسه کولو هڅې پيل کړې دي.
هغه وایي په دې اړه چټکې هڅې روانې دي چې له رسمي پرېکړې وروسته ښايي د پټ شويو پوروړو جايدانونه مشخص او وپلورل شي.
Views: 209
GET IN TOUCH
NEWSLETTER
SUGGEST A STORY
PAJHWOK MOBILE APP