کابل (پژواک، ۲ چنګاښ ۱۴۰۱): د پښتونژغورنې غورځنګ مخکښ غړی علي وزیر ویلي چې په روغتون کې یې د وژلو هڅه کېږي او دوه ځلې پرې بریدونه شوي دي.
علي وزیر چې له وزیرستانه د پاکستان د ملي اسمبلۍ غړی هم دی، له تېرو دوو کلونو راهیسې د حکومت له خوا د یوې وینا له امله په زندان کې دی.
هغه په دې وروستیو کې ناروغ شوی او د درملنې لپاره د کراچۍ جناح روغتون ته وړل شوی دی.
کراچی علی وزیر کو واپس جیل یا پروڈکشن آڈر پر اسلام آباد نہیں لے جارہے ہیں علی وزیر کے مطابق مجھ پر دو حملے بھی کی گئے ہیں#ReleaseAliWazir pic.twitter.com/thmhZVISsk
— Ihtesham Afghan (@IhteshamAfghan) June 22, 2022
نوموړي له روغتونه په یوه ویډیو کې ویلي چې هلته نامعلومو کسانو پرې دوه ځلې برید کړی څو ویې وژني.
هغه ویلي چې په روغتون کې یې امنیت ښه نه دی، باید ژر تر ژره بېرته زندان ته ولېږدول شي.
علي وزیر زیاته کړې چې د قانون له مخې، د پارلمان مشر په غونډو کې د ګډون لپاره مکتوب ورکړی، خو ده ته اجازه نه ورکول کېږي.
د پيټياېم دغه مشر زیاته کړې چې سر له نن څخه یې د خوړو اعتصاب پیل کړی او تر هغو به دوام ولري څو غوښتنې یې نه وي منل شوې.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن