کابل (پژواک، ۱۴ چنګاښ ۱۴۰۱): د استخباراتو رياست وايي چې د بغلان په اندراب ولسوالۍ کې د چاڼيزو عملیاتو په پايله کې يو شمېر وسلې او مهمات ترلاسه شوي دي.
د استخباراتو لوی رياست پر خپل ټويټر ليکلي چې په ترلاسه شوو وسلو کې یوه پایه اېسپيجي ٩، دوه راکټونه، درې کلاشينکوف، یو اېم فور، یوه پیکا او ګڼ نور پوځي توکي شامل دي.
سرچينه زياتوي، دغه وسلې او مهمات د بغلان د استخباراتو ریاست منسوبينو د دغه ولايت په اندراب ولسوالۍ کې د يو لړ چاڼيزو عملیاتو په پايله کې ترلاسه کړي دي.
یاد رياست د نيول شوو توکو ويډيو هم خپره کړې چې په ډېر شمېر وسلې او مهمات په کې ليدل کېږي.
خو په ټویټ کې نه دي ویل چې په دې تړاو کسان هم نیول شوي او کنه.
Views: 124
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن