کابل (پژواک، ۲۲ لېندۍ ۱۴۰۱): د کانونو او پټرولیم وزارت وایي، په کندهار کې د کوچني مقیاس کانکیندنې ۸ ساحې داوطلبي ته وړاندې کوي.
دغه وزارت نن (د لېندۍ ۲۲مه) د یوه ټویټ په کولو ویلي چې د کوچني مقیاس کانکيندنې دغه ۸ ساحې د کندهار په شاولیکوټ ولسوالۍ کې موقعیت لري.
سرچینې زیاته کړې، لېوال کسان کولای شي د روانې لېندۍ میاشتې له ۲۳مې بیا د راروانې مرغومي میاشتې تر ۲۲مې خپل غوښتنلیکونه د کانونو وزارت اړوند د منرالونو تنظیم لوی ریاست ته وسپاري.
په ټویټرپاڼه کې لیکل شوي چې له ټاکلې نېټې وروسته بیا غوښتنلیکونه د منلو وړ نه دي.
یاد وزارت یادونه کړې چې د کندهار په شاولیکوټ ولسوالۍ اړوند د دره نور په سیمه کې د مرمر ډبرو د کوچنۍ کچې اته کانونو (۶، ۷، ۸، ۹، ۱۰، ۱۱، ۱۲ او ۱۳) بلاکونه شته.
Views: 97
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن