نامعلومو کسانو د پروان جبل‌السراج ولسوالۍ د یوه کلي ملک وژلی

چاریکار (پژواک، ۱۸ مرغومی ۱۴۰۱): ناپېژاندو وسله‌واله تېره شپه د پروان په جبل‌السراج ولسوالۍ کې د منارې کلي ملک وژلی دی.

د پروان امنیې قوماندانۍ ویاند محمدکامران زید وایي چې د دغه ولایت د جبل‌‍سراج ولسوالۍ د منارې کلي ملک محمدمقصود تېره شپه د نامعلومو کسانو له خوا د خپل کور ترڅنګ وژل شوی دی.

هغه وایي چې پولیسو د محمدمقصود مړی عدلي طب ته لېږدولی او په دې اړه څېړنې روانې دي.