سعودي له افغانستان سره د ۱۰۰ ټنه خرما مرسته وکړه

کابل (پژواک، ۱۲ وری ۱۴۰۲): په افغانستان کې د سعودي سفارت ویلي چې د دغه هېواد د ولسمشر ملک سلمان د بشري مرستو مرکز له افغانستان سره د ۱۰۰ ټنه خرما مرسته کړې ده.

په افغانستان کې د سعودی سفارت دا مطلب نن (شنبه) یوه ټويټ کې څرګنده کړې ده.

سرچینې زیاته کړې چې دغه مرسته تېره ورځ د سرې میاشتې استازي غلام حبیب حسام ته سپارل شوې ده.

دا په داسې حال کې چې تېره ورځ متحده عربي اماراتو د هېواد له زلزله ځپلو سره د ۳۸،۵ ټنو خوراکي توکو، جامو او درملو مرسته کړې وه.

login or register a new account.