تالقان (پژواک، ۲۴ زمری ۱۴۰۲): تخار کې امنیتي سرچینو د دغه ولایت په مرکز تالقان ښار کې د یوې چاودنې خبر ورکړی او وایي چې په دې پېښه کې دوه ملکي کسان ټپيان شوي دي.
د تخار امنیې قوماندانۍ ویاند عبدالمبین صافي یوې اعلامیې کې ویلي، نن مازیګر شاوخوا ۴:۳۰ دقیقې د تالقان ښار د دویمې امنیتي حوزې په مربوطاتو کې یوه چاودنه شوې چې ځاني تلفات نه لري.
خو نوموړي زیاته کړه چې په دې پېښه کې دوه ملکي کسان په سطحي توګه ټپیان شوي او چاودېدونکي توکي په یوه ویټس موټر کې ځای پرځای شوي وو.
د تخار د امنیې قوماندانۍ ویاند وایي: «لومړنۍ څېړنې ښيي چې چاودنه د شخصي شخړو له امله شوې، خو د پولیسو څېړنې لا روانې دي.»
خو یوې امنیتي سرچینې چې نه یې غوښتل نوم یې واخیستل شي پژواک ته وویل، په دې پېښه کې درې کسان ټپيان شوي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن