کابل (پژواک، ۳ تله ۱۴۰۲): د احصایې او معلوماتو ملي ادارې تېره اونۍ د شاوخوا ۳۰۰۰ د تولد کارتونو د وېش خبر ورکړی او ویل یې دي چې په دې موده کې له ۱۰۰۰ ډېرو بهرنیانو د هېواد هوایي ډګرونو او بندرونو له لارې تګ راتګ کړی دی.
د احصایې ملي ادارې پر خپله اېکسپاڼه لیکلي: «د احصایې او معلوماتو ملي ادارې د نفوسو د احوال د ثبت خدماتو ریاست تېره اونۍ د هېواد هوایي ډګرونو او بندرونو له لارې د ۵۸۲ بهرنیو وګړو د راتګ او د ۴۳۱ بهرنیو خروج ثبت کړی دی.»
یادې ادارې په دغه راپور کې لیکلي چې تېره اونۍ کې د دې ادارې د خدماتي مرکزونو له لارې ۲۹۲۲ متقاضیانو ته تولد کارتونه او ۸۰ کسانو ته د مړینې پارچې ورکړل شوي دي.
دغه راز سرچینه زیاتوي چې د یادې ادارې د نفوسو د احوال د ثبت خدماتو ریاست، په حضوري او غیرحضوري ډول د کاغذي پېژندپاڼو اړوند خدمات، د تولد او مړینې ثبت، د هېواد هوایې ډګرونو او بندرونو له لارې د بهرنیو وګړو د تګ راتګ د ثبت مسوولیت لري او هېوادوالو ته د چټکو او شفافو خدماتو وړاندې کولو ته ژمن دی.
Views: 11
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن