<p style="text-align: justify;">2کابل (پژواک، ۱۳ کب ۱۴۰۲): په افغانستان کې د ملګرو ملتونو مرستندویه پلاوي دفتر (یوناما) راتلونکې چهارشنبه د افغانستان په اړه یوه مشورتي غونډه جوړوي.</p>
<p style="text-align: justify;">د ملګرو ملتونو د <a href="https://www.un.org/securitycouncil/node/243679#D25"><strong>کاري پروګرام</strong></a> له مخې، دغه ناسته به درې ورځې وروسته (د کب ۱۶مه) د ملګرو ملتونو په دفتر کې جوړه شي.</p>
<p style="text-align: justify;">د دې ناستې د اجنډا او ګډونکوونکو په اړه معلومات نه دي ورکړل شوي، خو د امنیت شورا په کاري پروګرام کې راغلي چې یوناما پر همدې ورځ یوه خبري ناسته هم جوړوي.</p>
<p style="text-align: justify;">ویل کېږي چې په راتلونکې خبري ناسته کې به د افغانستان پهتړاو د ملګرو ملتونو د سلامشورو د پرمختګ په اړه وضاحت ورکړل شي.</p>
<p style="text-align: justify;">د یوناما دغه ناسته په داسې حال کې ترسره کېږي چې د ملګرو ملتونو امنیت شورا تېره دوشنبه (د کب ۷مه) هم د تړلو دروازو ترشا د افغانستان پهتړاو غونډه وکړه چې د پرېکړو رسمي پایلې یې اعلان نه شوې.</p>
