پلعلم (پژواک، ۱۹ غويی ۱۴۰۳): د لوګر امنیتي مسوولین وايي چې د دغه ولایت په درېیو ولسوالیو کې د یو لړ عملیاتو په ترڅ کې لسګونه کیلوګرامه چاودېدونکي توکي او یو شمېر وسلې نیول شوي دي.
لوګر کې د ۲۰۳ منصوري قولي اردو د څلورمې پلې لوا ویاند نوروز ځلاند پژواک خبري اژانس ته وویل چې په تېرو څو ورځو کې امنیتي ځواکونو په څرخ، ازره او برهکيبرک ولسوالیو کې عملیات ترسره کړي دي.
د هغه د معلوماتو له مخې، د یادو عملیاتو پر مهال یو میل کلاشینکوف، یو میل سلډزې وسله، یو میل دهشکه، دوه مزایل، دوه د هاوان مرمۍ، شپږ بمونه، دوې چانټې او لسګونه کیلو ګرامه چاودېدونکي توکي کشف او ترلاسه شوي دي.
هغه وایي، د یادو وسلو او مهماتو په تور یو کس نیول شوی او زیاتوي چې دغه وسلې خلکو په خپلو کورونو کې په غیرقانونې توګه ساتلې چې ترې واخیستل شوې.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن