کابل (پژواک، ۹ غبرګولی ۱۴۰۳): د افغانستان د احصايې او معلوماتو ملي اداره وایي چې د تېرې میاشتې په اوږدو کې یې د هوايي ډګرونو او بندرونو له لارې هېواد ته د درې زره او ۱۴۳ بهرنیو وګړو تګ راتګ ثبت کړی دی.
د احصايې او معلوماتو ملي ادارې له خوا نن په خپره شوې خبرپاڼه کې راغلي، ثبت شوي ارقام ښیي چې د روان ۱۴۰۳ لمریز کال په تېره غويي میاشت کې د ۲۵ ښځو په ګډون ۱۶۴۳ بهرني وګړي هېواد ته راغلي او ۱۴۷۵ نور له هېواده وتلي دي.
د دې ادارې د ثبت شوو شمېرو له مخې، تر ټولو دېر بهرني وګړي د نیمروز، تورخم او حیرتان بندرونو او د کابل نړۍوال او بلخ هوايي ډګرونو له لارې هېواد ته راغلي او تللي دي.
خبرپاڼه کاږي، یاد ارقام ښيي چې هېواد ته د راغلو ډېرو بهرنیانو د سفر موخه سیاحت او کار دی.
د احصایې او معلوماتو ملي ادارې د یاد شمېر بهرنیانو هویت په اړه معلومات نه دي ورکړي.
Views: 10
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن