غزني کې د یوې ښځې مړی موندل شوی

غزني‌ښار (پژواک، ۲۱ غبرګولی ۱۴۰۳): د غزني امنیتي مسوولین وایي چې د دغه ولایت په خواجه‌عمري ولسوالي کې د یوې ښځي مړی موندل شوی دی.

د غزني امنیې قومانداني ویاند ابوخالد سرحدي پژواک خبري اژانس ته وویل، تېره ورځ ناوخته د خواجه‌عمري ولسوالي هدرات کلي ته څېرمه د سیند اوبو کې د یوې ښځي مړی پیدا او د ولسوالۍ روغتون ته لېږدول شوی دی.

هغه زیاته کړه چې د یادې شاوخوا ۵۵ کلنې ښځې وژل کېدو لامل تر اوسه نه دی څرګند شوی او نه یې هم کورنۍ پیدا شوې ده.

د نوموړي په خبره چې د دې پېښې په اړه د ځايي مسوولینو له لوري پلټنې پیل شوې دي.