فراهښار (پژواک، ۲۶ غبرګولی ۱۴۰۳): د فراه په بکواه ولسوالۍ کې د یوې ترافیکي پېښې له امله یوه ښځه مړه شوې او څلور نور کسان ټپیان دي.
دغه خبر د فراه امنیې قوماندانۍ له لوري رسنیو ته په لېږل شوې خبرپاڼه کې راغلی دی.
سرچینه کاږي، نن سهار د دغه ولایت په بکواه ولسوالۍ کې ټونس موټر او زرنج موټرسایکل ټکر کړی چې له امله یې یوه ښځه مړه شوې او څلور نور کسان ټپیان دي.
خبرپاڼه کې زیاته شوې چې ټپیان د درملنې په موخه روغتون ته لېږدول شوي او روغتیايي وضعیت یې د ډاډ وړ دی.
د یادې پېښې د لامل په اړه څه نه دي ویل شوي خو ډېری مهال دغه ډول پېښې د چلوونکو د بېاحتیاطۍ او یا هم د سړکونو خرابوالي له امله کېږي.
Views: 14
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن