کندوز (پژواک، ۲۲ وږی ۱۴۰۵): د کندوز امنیه قومانداني وایي چې د دغه ولایت په علياباد ولسوالۍ کې د یوه ۵۸۰ بس موټر چپه کېدو له امله ۲۶ کسان ټپیان شوي دي.
د کندوز د امنیې قوماندانۍ خبرپاڼه کې راغلي چې دغه پېښه نن د علياباد ولسوالۍ په جلوګیر سیمه کې شوې ده.
د خبرپاڼې له مخې، په دې پېښه کې د ښځو او ماشومانو په ګډون ۲۶ کسان ټپیان شوي او د درملنې په موخه روغتیايي مرکز ته لېږدول شوي دي.
سرچینې لیکلي، د پېښې لامل د چلوونکي بېاحتیاطي ښودل شوې ده.
