اسټرالیا له افغانستان سره ۲،۶ میلیون ډالر مرسته اعلان کړه

<p style="text-align: justify;">کابل (پژواک، ۷ چنګاښ ۱۴۰۳): د ملګرو ملتونو د بشري مرستو همغږي کوونکی دفتر (اوچا) وايي چې اسټرالیا د افغانستان د بشري مرستو له صندوق سره ۲،۶ میلیون امریکایي ډالر مرسته اعلان کړه.</p>

<p style="text-align: justify;">یادې ادارې دغه خبر نن پر خپله <strong><a href="https://x.com/OCHAAfg/status/1806260882210804109">اېکس</a> </strong>پاڼه خپور کړی او له اسټرالیا څخه یې د ‎دې مرستې له امله مننه کړې ده.</p>

<p style="text-align: justify;">اوچا ویلي چې یاده اندازه مرسته به د روان ۲۰۲۴ زېږدیز کال په اوږدو کې د بشري مرستو برخه کې ولګول شي.</p>

<p style="text-align: justify;">سرچینه زیاتوي، له دې مرستې سره له ۲۰۱۴ زېږدیز کال راهیسې له افغانستان سره بشري برخه کې د یاد هېواد د مرستو کچه څه باندې ۷۴ میلیون اسټرالیايي ډالرو ته ورسېده.</p>

<p style="text-align: justify;">په داسې حال کې چې له دې مخکې هم یو شېمر هېوادونو د افغانستان د بشري مرستو له صندوق سره نغدي مرستې اعلان کړې وې.</p>