ترینکوټ (پژواک، ۷ زمری ۱۴۰۳): د اروزګان امنیتي مسوولین وايي، تېره شپه یې د دغه ولایت په دوو ولسوالیو کې د نشهیي توکو دوه کارخونې کشف کړې او څلور زره کیلوګرامه ترلاسه شوي نشهیي توکي یې سوځولي دي.
د اروزګان ولایت د امنیې قوماندانۍ ویاند بلال اروزګاني پژواک خبري اژانس ته وویل، امنیتي ځواکونو د ګېزاب ولسوالۍ په تکابدار او د چارچینو ولسوالۍ په ګورګین سیمو کې د نشهيي توکو دوه کارخونې کشف کړې دي.
هغه زیاته کړه، له دواړو کارخونو څخه څلور زره کیلوګرامه ومان او د نشهیي توکو د پروسس یوه اندازه وسایل ترلاسه شوي چې ځای پر ځای له منځه وړل شوي دي.
نوموړي په دې تړاو د چا د نیولو خبره ونهکړه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن