کابل (پژواک، ۲۵ وږی ۱۴۰۳): د سوېلي افریقا د کرکټ لوبډله د افغانستان له ملي لوبډلې سره د درې یو ورځنیو نړۍوالو سیالیو په موخه متحده عربي اماراتو ته ورسېده.
د افغانستان کرکټ بورډ ویلي، د سوېلي افریقا کرکټ ملي لوبډله د افغان لوبډلې پر وړاندې د درې یو ورځنیو نړۍوالو سیالیو لوبلړۍ په موخه تېره شپه ناوخته متحده عربي اماراتو ته ورسېده.
سرچینې زیاته کړې، د دواړو لوبډلو ترمنځ به د درې یو ورځنیو نړۍوالو سیالیو لوبلړۍ د راتلونکې چهارشنبې په ورځ په شارجه کرکټ لوبغالي کې پیل شي.
دغه سیالۍ د افغانستان په کوربهتوب ترسره کېږي.
د یادونې ده، د افغانستان او سوېلي افریقا ترمنځ به د درې یو ورځنیو سیالیو لوبلړۍ به د سپټمبر په ۱۸مه، ۲۰مه او ۲۲مه ترسره شي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن