ملي دفاع وزارت دوه امريکايي چورلکې ترمیم کړې دي

کابل (پژواک، ۳ تله ۱۴۰۳): ملي دفاع وزارت وايي، افغان انجنیرانو یوه بلک‌هاک (يواېچ - ۶۰) او بله (اېم‌ډي - ۵۳۰) ډوله امريکايي چورلکې ترمیم او پرواز ته چمتو کړې دي.

د افغانستان د ملي دفاع وزارت وايي، د یاد وزارت اړوند هوایي ځواک له لوري د تخنیکي او مسلکي انجینرانو په تېرو څو میاشتو کې یوه بلک‌هاک (يواېچ - ۶۰) او بله (اېم‌ډي - ۵۳۰) ډوله امريکايي چورلکې ترمیم کړې دي او په بریالیتوب سره یې الوتنې ترسره کړې دي.

سرچينه زیاتوي چې دغه وزارت په تېرو درېیو کلونو کې لسګونه هغه الوتکې او چورلکې ترمیم او ګټې اخیستنې ته چمتو کړې دي چې «د تېرې ادارې له لوري تخریب شوې وې».