کابل (پژواک، ۱۱ لړم ۱۴۰۳): د افغانستان د المپيک، بدني روزنې او سپورت کمېټې عمومي ریاست وايي، د هېواد د قوتالرمي ملي فدراسیون پنځه ورزشکاران د دې څانګې نړۍوالو سياليو کې د ګډون په موخه ازبکستان ته تللي دي.
د افغانستان د المپيک، بدني روزنې او سپورت کمېټې عمومي ریاست پرون (پنجشنبه) د يوې خبرپاڼې په خپرولو ویلي چې په دې لوبډله کې پنځه ورزشکاران، يو روزونکى او يو پلاوی شامل دي.
سرچينې زياته کړې چې دغه سيالۍ به د روان ميلادي کال د نوامبر له دويمې تر شپږمې د ازبکستان په تاشکند ښار کې د ١٤ هېوادونو د لوبغاړو ترمنځ په ١١ ورزشي برخو کې ترسره شي.
سرچینې لیکلي: افغان ورزشکاران د دغو سیالیو د ګټلو لپاره له پوره چمتووالي او هوډ سره دغه هېواد ته تللي دي.
د یادولو ده، قوتالرمي یا د ځان د دفاع سپورت د کراتې، سوکوهنې او جوجیتسو له ورزشونو دی.
GET IN TOUCH
NEWSLETTER
SUGGEST A STORY
PAJHWOK MOBILE APP