کابل (پژواک، ۴ تله ۱۴۰۴): د راپورونو له مخې، په غزه کې د اسرائیلو په تازه بریدونو کې ۲۷ فلسطینیانو خپل ژوند له لاسه ورکړی دی.
الجزیزې ټلوېزیون نن په یوه راپور کې ویلي، د غزې په تړانکه کې د اسرائیلو خونړي برید کې ۲۷ فلسطینیانو خپل ژوند له لاسه ورکړی او ځینې ټپیان شوي دي.
د راپورونو له مخې، غزه کې د اسرائیلو د بریدونو له پيل راهیسې تر ۶۵ زره ډېرو فلسطینیانو ژوند له لاسه ورکړی او نږدې ۱۶۵۷۰۰ نور ټپیان شوي دي.
دا په داسې حال کې ده چې د امریکا ولسمشر ډونالډ ټرمپ پرون ویلي، اجازه به ور نه کړي چې د فلسطین لوېدیځه غاړه له اسرائیل سره ضمیمه شي.
