<p style="text-align: justify;">کابل (پژوک، ۲۲ مرغومی ۱۴۰۴): د راپورونو له مخې، غزه کې د جکړې له پیله راهیسې د اسرائیلو په بریدونو کې لږ تر لږه ۷۱ زره فلسطینیانو ژوند له لاسه ورکړی او څه باندې ۱۷۱ زره نور ټپیان شوي دي.</p>
<p style="text-align: justify;">الجریزې نن پر خپله اېکسپاڼه لیکلي، په غزه کې د ۲۰۲۳ کال د اکټوبر له اوومې بیا د ۲۰۲۶ کال د جنورۍ تر شپږمې پورې لږ تر لږه ۷۱۳۹۱ کسانو ژوند له لاسه ورکړی او ۱۷۱۲۷۹ نور ټپیان شوي دي.</p>
<p style="text-align: justify;">د راپورونو له مخې، په غزه کې د امریکا په منځګړیتوب اوربند د ۲۰۲۵ کال د اکټوبر له لسمې نېټې نافذ شوی و؛ خو د فلسطیني سرچینو په وینا، اسرائیل لا هم په غزه کې خپلو پوځي عملیاتو ته دوام ورکوي.</p>
<p style="text-align: justify;">الجزیرې لیکلي، د اکټوبر له اوربند راهیسې په غزه کې ۴۲۴ کسانو ژوند له لاسه ورکړی او ۱۱۹۹ نور ټپیان شوي دي.</p>
<p style="text-align: justify;">دا په داسې حال کې ده چې د مرغومې په ۱۹مه هم د اسرائیلو په تازه بریدونو کې د پنځو ماشومانو په ګډون ۱۴ قلسطینیانو ژوند له لاسه ورکړی و.</p>
