<p style="text-align: justify;">کابل (پژواک، ۲۱ حوت ۱۴۰۴): کابینې د افغانستان لاس یوکیلي موټرو ته د ګمرکي محصول تخفیف د ۱۴۰۵ کال تر پایه وغځاوه او د ریاست الوزرا اقتصادي معاونیت ته یې دنده ورکړه چې د وارداتي توکیو په اړه له اړوندو ادارو او سوداګرو سره ناستې وکړي.</p>
<p style="text-align: justify;">د چارو ادارې په خبرپاڼه کې راغلي چې د کابینې غونډه تېره ورځ د رئیس الوزراء ملا محمدحسن اخند په مشرۍ وشوه.</p>
<p style="text-align: justify;">د خبرپاڼې له مخې، په غونډه کې پرېکړه وشوه چې په غونډه کې پریکړه وشوه: «چې د افغانستان لاس یو کیلي موټرو ته دې ګمرکي محصول تخفیف د ۱۴۰۵هـ.ش کال تر پایه پورې په یو اندازه تخفیف سره وغځول شي.»</p>
<p style="text-align: justify;">دغه راز په خبرپاڼه کې راغلي چې د ریاست الوزراء اقتصادي معاونیت ته دنده وسپارل شوه چې د ځینو اقلامو د وارداتو په برخه کې له اړوندو ادارو او سوداګرو سره ناسته وکړي؛ ترڅو شفافیت، کمیت او کیفیت په پام کې ونیول شي.</p>
<p style="text-align: justify;"></p>
