کابل (پژواک، ۲۳ غبرګولی ۱۴۰۵): د افغانستان کرکټ بورډ وایي، د هېواد الف «افغان ابدالیان» لوبډله نن د سریلانکا له الف لوبډلې سره خپله دویمه یو ورځنۍ سیالۍ ترسره کوي.
د افغانستان، سریلانکا او هند الف لوبډلو ترمنځ درې اړخیزه سیالۍ په سریلانکا کې روانې دي.
کرکټ بورډ ویلي چې د افغانستان الف «افغان ابدالیان» لوبډله به د افغانستان په وخت نن سهار نهه بجې د خپلې دویمې یو ورځنۍ لوبې په موخه د سریلانکا د الف لوبډلې سره د سیالۍ ډګر ته ښکته شي.
دغه لوبه په سریلانکا کې ترسره کېږي.
همدارنګه د افغانستان الف (افغان ابدالیان) لوبډلې په دغو سیالیو کې په خپله لومړۍ لوبه کې د هند الف لوبډلې ته ماتې ورکړې ده.
