کابل (پژواک، ۲۷ چنګاښ ۱۴۰۵): د ملي دفاع وزارت وایي، افغان دفاعي ځواکونو د تېرې یوې میاشتې په اوږدو بهر ته د وسلو، مهماتو، نشهيي او نورو توکو د قاچاق په تور ۱۶ کسان نیولي دي.
د یاد وزارت د خبرپاڼې له مخې، په یادو قاچاقي وسلو، مهماتو او توکو کې نهه کارتنه بېلابېل ډول روغتیایي درمل، او طبي توکي، ٢٣ بنډله سانیهسوز، ۲۳۰۰ ګرامه اپین، ١٨ کیلوګرامه شیشه، ٨ کلاشینکوفونه، ٢ پیکاوې، اووه اېمفور، ١٢ تومانچې، ٢٦٢ بېلابېل ډول ثقيله مرمۍ، ٦ موټرسایکلونه او د ٥٦ موټر او د موترو پرزې شامل دي.
سرچینه زیاتوي، دغهراز له دغو قاچاقي توکو سره ١٦ قاچاقبران هم نیول شوي چې غوښتل یې یاد توکي په غیرقانوني توګه له افغانستانه نورو هېوادونو ته انتقال کړي.
د خبرپاڼې له مخې، نیول شوي کسان له لومړنیو څېړنو وروسته اړوندو قانوني مراجعو ته سپارل شوي دي.
